UZREPORT TV телеканали бу ҳафта Испания чемпионатидан ўрин олган иккита учрашувни мухлислар эътиборига ҳавола қилади.
Жумладан, 10 декабрь куни соат 17:00да "Барселона" жамоаси "Осасуна" меҳмони бўлади. Луис Энрике шогирдлари аввалги турда "эл-класико"да ғалабани қўлдан бой беришди. Энди улар "Осасуна"га қарши ўйинда ғалаба қозониш учун бор кучларини сарфлашлари аниқ.
Шу куни тунда соат 00:45да "Реал Мадрид" жамоаси ўз майдонида "Депортиво" клубини қабул қилади. Бу ўйин ҳам Зидан шогирдлари учун жуда муҳим.
Улар иккинчи поғонада бораётган "Барселона" билан орадаги фарқни сақлаб туришлари учун "Депортиво" устидан ғалаба қозонишлари керак.
UZREPORT TV телеканали юқоридаги ҳар иккита ўйинни мухлислар эътиборига жонли эфирда намойиш қилади.