Англия премьер-лигасида 15-тур ўйинлари якунланди. «Ливерпуль» ўз майдонида «Вест Хэм» клубини қабул қилди.

Мезбонлар 5-дақиқадаёқ ҳисобни очди. Ҳимоячилар хатосидан фойдаланган Лаллана дарвозани ишғол этди. Бироқ бу гол меҳмонларга салбий таъсир қилмади ва улар кетма-кет иккита гол уриб, ҳисобда олдинга чиқиб олишди. Иккинчи бўлим бошида «Ливерпуль» ҳисобни тенглаштирди ва шундан сўнг жуда кўп ҳужум уюштирди. Бироқ «Вест Хэм» бошқа хатога йўл қўймай дуранг натижани ушлаб қолди.

АПЛ, 15-тур

Ливерпуль – Вест Хэм 2:2 (1:2)
Голлар: 1:0 – 5 Лаллана, 1:1 – 27 Пайет, 1:2 – 39 Антонио, 2:2 – 48 Ориги.
Ливерпуль – Кариус, Матип, Клайн, Ловрен (Клаван, 46), Милнер, Хендерсон, Лаллана, Фирмино, Вейналдум, Мане, Ориги.
Вест Хэм – Рэндолф, Крессуэлл, Рид, Огбонна, Лансини (Фернандеш, 78), Пайет, Антонио, Обианг, Айю (Кэрролл, 63), Нобл, Нордтвейт.
Огоҳлантиришлар: Фирмино (53), Мане (76).