"Челси" бош мураббийи Антонио Конте "Манчестер Сити" билан учрашувдаги (3:1) воқеалар учун лондонликлардан очко олиб ташланиши ҳақидаги миш-мишларга изоҳ берди.
Учрашувда Серхио Агуронинг Давид Луизга қўпол фолидан сўнг майдонда жанжал бошланиб кетган эди.
"Ҳазиллашяпсизми? Нега айбдор бўлмаган вазият учун жазоланишимиз керак? Буни тушунишни хоҳламайман. Менинг ўйинчиларим хотиржамликни сақлашга ҳаракат қилишди. Биз ўйинмизнинг барча жабҳаларини яхшиламоқчимиз. Бир ёки ҳар икки жамоа айбдор бўлса ҳаққоний бўлиш керак ва вазиятга тўғри баҳо бериш керак", - дейди Конте.
