Бразилиянинг «Шапекоэнсе» клуби мамлакат чемпионатининг сўнгги турида «Атлетико Минейро» клубига қарши ўйинга ташриф буюрмагани учун 30 минг доллар жаримага тортилди, деб хабар бермоқда Marca.
Ўйин 11 декабрь куни ўтказилиши шарт эди. Бироқ «Шапекоэнсе» клубининг деярли барча футболчилари авиаҳалокатда нобуд бўлгани ва бу ўйиннинг натижаси ҳеч нарсани ҳал қилмаслиги сабабли, ҳар иккала клуб ҳам беллашувни ўтказмасликка келишиб олишди.
Натижада Бразилия суди қонун доирасида иш кўриб, ҳар иккала жамоани 30 минг доллар жаримага тортди ва 0:3 ҳисобида техник мағлубият ёзди.
