Англия сиёсатчилари мамлакат футбол асоциацияси қўмиталари сони қисқартириш, муҳим масалалар бўйича махсус қўмита тузиш, шунингдек ассоциация қарорларига қарши Премьер-лига ҳуқуқларини чегаралаб қўйишни талаб қилишмоқда.
Агар булар амалга ошса ФИФА ҳукуматнинг бу ҳаракатини давлатнинг миллий футбол ассоциацияси ишига аралашиш деб топади. Бу ФИФА низомига қарши ҳаракатдир. Бу вазиятда ФИФА Англия терма жамоасини ҳалқаро ўйинлардан, жумладан, Россияда ўтадиган ЖЧ-2018 мусобақасидан четлатиши мумкин.
Эслатиб ўтамиз, англияликлар мундиални Россияда ўтишига қаттиқ қаршилик кўрсатган эдилар. Энди футбол ватани вакилларининг ўзларига ФИФА санкцияси хавф солмоқда.
Аввалроқ бундай жазога жаҳоннинг бир нечта терма жамоалари, жумладан, Греция ва Нигерия терма жамоалари ҳам учраган эди.
