"Олтин тўп-2016" соврини учун овоз бериш жараёнида 30та номзоддан 11 футболчи бир очко ҳам олмадилар.

Қизиғи, уларнинг ичида 2014 йилда учинчи бўлган "Бавария" посбони Мануэль Нойер ва 2010 йилда иккинчи ва 2012 йилда учинчи бўлган "Барселона" яримҳимоячиси Андрес Иньеста ҳам бор.

Эслатиб ўтамиз, бу йилги "Олтин тўп" эгаси "Реал" ҳужумчиси Криштиану Роналду бўлди. Овоз бериш натижаларига кўра, Лионель Месси ("Барселона") иккинчи ва Антуан Гризманн ("Атлетико") - учинчи бўлдилар.

Овоз бериш натижаларига кўра очко ололмаган 11 футболчининг рўйхати:
Серхио Агуэро (Аргентина, "Манчестер Сити"), Кевин Де Брейне (Бельгия, "Манчестер Сити"), Пауло Дибала (Аргентина, "Ювентус"), Диего Годин (Уругвай, "Атлетико"), Гонсало Игуаин (Аргентина, "Наполи"/"Ювентус"), Андрес Иньеста (Испания, "Барселона"), Коке (Испания, "Атлетико"), Юго Ллорис (Франция, "Тоттенхэм"), Томас Мюллер (Германия, "Бавария"), Мануэль Нойер (Германия, "Бавария"), Серхио Рамос (Испания, "Реал").