Малайзиянинг Куала-Лумпур шаҳрида ОЧЛ ҳамда ОФК Кубогида иштирок этувчи клублар учун икки кунлик семинар старт олди.
Унда Осиё чемпионлар лигаси мукофот жамғармасига киритиладиган ўзгаришлар эълон қилинди.
Янги мавсумдан бошлаб, гуруҳ босқичидаги ғалаба учун 50 минг АҚШ доллари (аввал 40 минг), дуранг натижа учун 10 минг АҚШ доллари (аввал 20 минг) тўланадиган бўлди.
Шунингдек, ОФК жамоаларнинг сафар ҳаражатлари учун бериладиган пулни ҳам камайтирди. Ҳозирга қадар ҳар бир ўйин сафари учун клуб ҳисоб рақамига 34200 доллар келиб тушган бўлса, янги йилдан бошлаб бу 30000 ни ташкил қилади.
