Собиқ Югославия клублари янги ҳалқаро лигага асос солмоқчилар. Гап Сербия, Хорватия, Босния ва Герцеговина, Словения, Черногория ва Македония мамлакатларининг 24 клуби ҳақида кетмоқда.
Янги лига лойиҳаси УЕФАга тақдим этишга улгурилган, 30 дақиқалик таништирув видеоси билан ташкилот президенти Александр Чеферин (Аввал Словения ФФни бошқарган) ва мусобақалар уюштириш директори Жоржио Маркетти танишиб чиққан.
Македония ФФ мусобақалар ўтказиш бўйича директори Вашко Дойчиновскининг сўзларига кўра, УЕФА раҳбарияти бу лойиҳани маъқуллаган. Маҳаллий федерациялар раҳбарлари ҳам бу лойиҳани қувватламоқдалар.
Мусобақа ЕЧЛ модели бўйича ўтказилади. Клублар дастлаб тўрт жамоадан 6 гуруҳга бўлинади, баҳорда плей-офф ўйинлари бўлиб ўтади.
Ташкилотчилар мусобақа ғолибига ЕЧЛ гуруҳ босқичида ўрин кафолатламоқчилар. Финалчи эса Европа лигасида қатнашиш ҳуқуқини қўлга киритади. Ҳозирча УЕФА бу масалада авоб бермаган.
Янги мусобақа 2018 йилнинг кузидан бошланиши режалаштирилмоқда.
