"Манчестер Сити" бош мураббийи Хосеп Гвардиола жамоа омадсиз иштирок этаверса истеъфога чиқарилиши мумкинлигини тан олди.

"Шаҳарликлар" АПЛнинг охирги икки учрашувида "Челси" (1:3) ва "Лестер" (2:4) жамоаларига мағлуб бўлдилар.
.
"Футбол узоқ муддатли лойиҳа эмас. Сен дарров ғалаба қозонишинг керак, бундай бўлмаса - сенда муаммолар пайдо бўлади.

Албатта, клуб ташкил ээтиш катта вақтни талаб этади, аммо мураббийлар ғалаба қозонишлари керак, акс ҳолда уларга ўринбосар топадилар.

Мен ҳеч қачон истеъфога чиқарилмаганман ва бунчалик узоқ муддат ғалаба қозомасликка биринчи марта дуч келяпман. Келгуси мавсум вазият яхши бўлади, икки йилдан сўнг янада яхши, аммо "Сити"га келмасимдан аввал, дарров ғалаба қозонишим кераклигини билганман. Клуб менга ишонаётганини ҳис қиляпман, аммо ҳақиқат шундаки, ғалаба керак. Клуб қарорига натижалар таъсир қилади.

Вазият ёқимсиз, аммо бутун дунёда агар бирор компания нимагадир яхши ишламаса, янги қарор изланади", - дейди Гвардиола.