«Барселона» ҳужумчиси Пако Алькасер «Ал-Аҳли» (5:3) клубига қарши ўйинда каталонияликлар таркибидаги биринчи голини урди ва бу ҳақда фикрларини айтди.

«Албатта бу гол менга иштиёқ бағишламоқда. Гол уришни жуда ҳам истаган эдим. Бош мураббий ҳам менга бу борада далда бериб, голсиз ўйинларим тўғрисидаги гаплар латифага айланиб қолишини айтганди.

«Барселона»даги биринчи голимни уриш жуда қийин бўлди. Мен ўз кучимга бўлган ишончни тиклаб олишими учун ҳам гол уришим шарт эди» - деди Алькасер Marca хабарида.

Мавсум бошида «Валенися» клубидан келиб қўшилган Алькасер расмий ўйинларда ҳали бирорта гол урмаган.