«Реал» ҳимоячиси Серхио Рамос клублар ўртасидаги жаҳон чемпионати яримфиналидан ўрин олган Мексиканинг «Америка» клубига қарши ўйинда майдонга тушмайди.
Бу ҳақда бош мураббий Зайниддин Зидан хабар бермоқда.
«Рамос эртага ўйнамайди. У бироз чарчаган. Кейин эса кўрамиз, балки якшанба куни майдонга тушиши мумкин.
Олдинда бизни қийин ўйин кутмоқда. Ҳозирча ким ташаббусга эга бўлишини билмайман. Ўйиндан олдин имкониятлар тенг бўлади. Биз бошқа нарса ҳақида ўйламаяпмиз, яна бир яримфинал ўйинини кўрмаймиз.
«Реал» рақибни яхши ўрганди. «Америка» клубини қандай ўйнашини тушуниб олиш учун бизга бир ой вақт шартмас. Ўзимизнинг энг яхши ўйинимизни намойиш қилишга ҳаракат қиламиз» - деди Зидан клуб матбуот хизматининг хабарида.
«Америка» — «Реал» ўйини 15 декабрь куни соат 15:30да бошланади.
