«Манчестер Юнайтед» клуби бош мураббийи Жозе Моуриньо исталган футболчининг трансфери борасида музокара ўтказишга тайёрлигини маълум қилди.
Британия матуботининг хабарига кўра, мутахассис Маркос Рохо, Маттео Дармиан, Фил Жонс, Морган Шнедерлен, Майкл Каррик, Эшли Янг ва Мемфис Депайдан воз кечмоқчи.
«Мен клубнинг исталган футболчиси тўғрисида таклифларни эшитишга тайёрман. Бундан ташқари, футболчиларнинг ўзи ҳам мен билан суҳбатлашиши мумкин. Агар кимдир ўзини «МЮ»да бахтсиз ҳис қилаётган бўлса жамоани тарк этиши мумкин. Бошқа жамоага ўтишни истаган футболчини фикридан қайтаришга ҳеч қачон уринмайман» - деди мураббий FourFourTwo хабарида.
