«Реал» яримҳимоячиси Карлос Касемиро Клублар ўртасидаги жаҳон чемпионати яримфиналидан ўрин олган «Америка»га (15 декабрь) қарши ўйиндан олдин ўз фикрлари билан ўртоқлашди.
«Биз йилни яхши якунлашимиз учун мусобақада ғолиб чиқишимиз шарт. «Реал» ҳар доим ғалаба учун ўйнайди ва Клублар ўртасидаги жаҳон чемпионати биз учун муҳим. «Реал» диққат эътиборни сусайтирмасдан, ўз футболини намойиш этиши ва олдинга интилиши шарт. Биз юқори техникага эга жамоамиз ва рақиб ҳақида ҳамма нарсани биламиз. Ҳеч нарсани ўзгартиришимиз шарт эмас» - деди Касемиро клуб матбуот хизматининг хабарида.
«Америка» — «Реал» ўйини 15:30 да бошланади.
