Мексиканинг "Америка" клуби ҳужумчиси Сильвио Ромеро "Реал" билан учрашув олдидан ғалабага умид қилаётганини маълум қилди.
Клублар ўртасида жаҳон чемпионати яримфинали доирасидаги ушбу учрашув бугун 15 декабрда бўлиб ўтади.
"Бу ўйинда кўп нарса ютишимиз ва жуда кам нарса ютқазишимиз мумкин. Буни тушуниш бизга ёрдам бериши мумкин, чунки бизда "Реал"даги каби босим йўқ. Ўйинчилар таркиби жиҳатидан "Реал" биздан устун, аммо футболда кураш кундан кун тенглашиб бормоқда. Шундай экан, ғалабага бўлган истагимизни ҳам , умидимиз ҳам йўқотмай турамиз. Айтиш мумкинки, "Реал"га қарши ўйин - бизнинг ҳаёт ўйинимиз", - дейди Ромеро.
