"Америка" бош мураббийи Рикардо Ла Вольпе клублар ўртасида ЖЧ яримфиналида "Реал"дан учралган мағлубиятдан сўнг (0:2) фикрларини билдирди.
"Реал"га муносиб қаршилик кўрсатиш учун майдон марказида мувозанат ўрнатиш керак эди. Умуман олганда, ёмон ўйнамадик, аммо рақибга янада кўпроқ босим ўтказишимиз лозим эди. "Америка"да Рубенс Самбуэса катта роль ўйнайди - у майдон марказида ҳал қилувчи фигура.
Биз жипслашиб ҳаракат қила олмадик, биринчи бўлим охирида аламли гол ўтказиб юбордик. Иккинчи бўлимда тўп узатишларда кўп хато қилдик. Мексика футболи тарихига кира олмаганимиздан афсусдаман", - дейди Ла Вольпе.
