«Манчестер Юнайтед» ҳужумчиси Уэйн Руни ўғли Кайни «Манчестер Сити» мактабига берди, деб хабар қилмоқда Daily Mail.
Манбанинг маълумотига кўра, Руни «Манчестер Сити» клубининг 7 ёшгача бўлган болалар учун мўлжалланган дарсларидан сўнг бошқа ота-оналар қатори ўғлини кутиб тураётган пайтида пайқаб қолинган.
Кай Руни аввалроқ «Манчестер Юнайтед» мактабида таҳсил олишни бошлаганди, бироқ эндиликда «Манчестер Сити» клуби мактабида шуғулланмоқда.
Эслатиб ўтамиз, Премьер-лига клублари 9 ёшгача бўлган болалар билан шартнома имзоламайди. Натижада, шу ёшгача бўлган болакайлар ўзларини исталган мактабда синаб кўришлари мумкин.
