"Ювентус" бош мураббийи Массимилиано Аллегри А сериянинг 17-турида "Рома" устидан қозонилган ғалабадан сўнг фикрлари билан ўртоқлашди.
"Бу икки кучли клуб ўртасидаги яхши ўйин бўлди. Ғалабамиз муҳим, аммо мавсум узоқ, ҳали ҳеч нарса ҳал бўлгани йўқ. Ўйин охирида асабийлашдим, чунки биз ўйинни назорат қилмаётган эдик. "Рома" жисмонан жуда кучли, биз эса тўпни йўқотиб, рақибга бўш ҳудудларни топшириб қўйдик.
25та ғалабали серия мени қизиқтирмайди. Мен учун май ойида турнир жадвалининг биринчи ўрнида туриш муҳимроқ. Ҳозирча, етакчимиз, аммо бир неча ойдан сўнг, чемпионлар лигаси бошланганида нима бўлади, кўрамиз.
Аммо бугун ғалабадан завқ олишимиз ва бошқа жамоаларнинг натижаларини кутишимиз керак. "Милан" билан Италия Суперкубоги учрашувига яхши ҳолатда боришимиз керак", - дейди Аллегри.
