Мексиканинг "Америка" клуби бош мураббийи Рикардо Ла Вольпе "Реал" билан учрашувда ҳакамлар тарафкашликка йўл қўйганига шаъма қилди.
Бу жамоалар клублар ўртасида ЖЧ яримфиналида учрашддилар ва унда мадридликлар 2:0 ҳисобида ғалаба қозондилар.
Қўшиб берилган дақиқаларда Криштиану Роналдунинг голи дарров ҳисобланмади, ҳакамлар видеотакрорни кўришиб, кейин голни тасдиқладилар.
"Мен норозилик билдирмадим, ҳисоб 2:0 бўлган эди. Агар бу "Реал"нинг биринчи голи бўлганда кўпроқ баҳслар туғиларди. "Реал"ни финалда кўришни истамайдилар деб ўйлаш -аҳмоқлик бўлар эди. "Реал"ни ютиш учун кучли бўлишнинг ўзи камлик қилади. Шунинг учун нима бўлган бўлса мантиқан тўғри", - дейди Ла Вольпе.
"Реал" бугун 18 декабрь куни мусобақа финалида Япониянинг "Касима Антлерс" клуби билан ўйнайди.
