Ўзбекистон чемпионати Олий лигасида иштирок этувчи жамоаларнинг баъзилари айни пайтда қишки таътилга чиқиб кетишган.
Қизиғи шундаки, уларнинг ортидан сайтлари ҳам дам олишга равона бўлган кўринади.
Айни пайтда Ўзбекистоннинг номдор жамоаларидан бири – Қаршининг «Насаф» клуби сайти ишламай қолган. Сайтни очмоқчи бўлсангиз у провайдер томонидан блоклаб қўйилганига гувоҳ бўласиз.
Худди шу ҳолат Жиззахнинг «Сўғдиёна» клуби сайтида ҳам кузатилмоқда. Қаршиликларнинг сайтидан фарқ қилган ҳолда, «Сўғдиёна» сайтини охирги марта қачон очилганини эслаш қийин.
Яқинда жамоалар таътилдан қайтиб, янги мавсум тараддудини бошлаб юборишади. Умид қиламизки, жамоалар билан бирга сайтлари ҳам таътилдан қайтиб, мухлисларни янгиликлар билан хурсанд қилишади.
