«Барселона» клуби УЕФА ташкилоти устидан Спорт арбитраж судига (CAS) берилган шикоятни қайтариб олди, деб хабар бермоқда УЕФА сайти.
Гап шундаки, Чемпионлар лигасидан ўрин олган «Байер» клубига қарши ўйинда «Камп Ноу» стадионида «Барселона» мухлислари томонидан Каталония байроғи намойиш қилинган. УЕФА тартиб интизом қўмитаси эса клубни 40 минг евро жаримага тортган эди. Шу муносабат юзасидан «Барселона» УЕФА устидан судга мурожаат қилганди.
Эндиликда клуб шикоятини қайтариб олди ва бу борада суд ўтказилмайдиган бўлди.