УЕФА президенти Александер Чеферин агар мухлисларининг ҳулқи ўзгармаса Хорватия терма жамоаси жиддий жазога тортилиши билан огоҳлантирди.

"Афсуски, хорват футболи нафақат қойилмақом футболчилари билан, балки ечилиши кутилаётган муаммолари билан машҳур. Хорватияни жиддий жазо кутиб турибди. Мен мамлакат бош вазири ва федерация раҳбарини мухлисларнинг ҳулқи туфайли жиддий санкциялар қўлланилиши мумкинлиги ҳақида огоҳлантирдим", - дейди Чеферин.

Хорватия футбол федерацияси охирги тўрт йилда мухлисларнинг нацистлик ва ирқчилик шиорлари туфайли бир неча марта жаримага тортган.