Португалия чемпионатининг 4-лигасида иштирок этувчи «Канелас 2010» жамоаси ўз майдонида ўтказилган 13та ўйиндан 12тасида рақиблар келмагани учун техник ғалаба қозонган.
«Канелас 2010» жамоаси асосан «Порту» клубининг ашаддий мухлисларидан ташкил топган. Чемпионатнинг биринчи ўйинида улар рақиб жамоа футболчиларини қўл-оёғини синдириб ташлашига сал қолганидан сўнг, бошқа жамоалар ўйинларга келмай қўйган.
Рақиблар «Канелас 2010» билан ўйнаб, касалхонага тушишдан кўра, 0:3 ҳисобида техник мағлубиятни қабул қилиб, 750 евро жаримани тўлашни маъқул кўрмоқда. Шу тарзда «Канелас 2010» ўз майдонида ўтказилиши шарт бўлган 13та ўйиннинг 12тасида техник ғалаба қозонган.
