«Манчестер Юнайтед» клуби ўз стадионида ўриндиқсиз трибуналарни ташкил қилишни режалаштирмоқда.
BBC Sport хабарига кўра, МЮ вакиллари «Селтик» стадионига ташриф буюриб, ўриндиқсиз трибуналардаги хавфсизлик чоралари билан танишиб олган.
Клуб раҳбарияти ҳам, мухлислар ҳам ўриндиқсиз трибуналар ташаббусини қўллаб-қувватламоқда. Чунки тик туриб футбол томоша қилиш имкониятини берадиган бундай трибуналарга чипта нархи кескин арзон бўлиши кутилмоқда.
Эслатиб ўтамиз, Шотландиянинг «Селтик» клуби жорий мавсумдан бошлаб, 3000 мухлисга мўлжалланган ўриндиқсиз трибунани ишга туширган ва бу ижобий натижани берган эди.
