Украинанинг «Днепр» клуби собиқ бош мураббий ва унинг штаби олдидаги қарзини 19 январгача узмаса, 1-лигага тушириб юборилади.
Бу ҳақда Украина ФФ бош котиби Юрий Записоцкий хабар бермоқда.
«Собиқ бош мураббий Хуанде Рамоснинг шикоятига кўра, ФИФА «Днепр» клубига 19 январгача мухлат берди. Агар клуб буни амалга оширмаса, 31 январь куни ФИФА уни 1-лигага тушириб юбориш ҳақидаги масалани кўриб чиқади» - деди Записоцкий.
Эслатиб ўтамиз, ҳамюртимиз Виталий Денисов 2007-2012 йилларда "Днепр" клуби шарафини ҳимоя қилган эди. Айни пайтда жамоа иқтисодий жиҳатдан ночор аҳволда қолган.
