"Севилья"нинг собиқ посбони Андрес Палоп Испания кубоги 1/8 финалида андалусияликларнинг "Реал"га қарши учрашуви олдидан фикрларини билдирди.
"Реал"нинг қандай кучга эга эканлигини инобатга олиб, "Севилья"ни фаворит демай турамиз. Аммо "Севилья" кўтарилишда ва ажойиб натижаларга эришяпти. Шунинг учун улар рақибига кўп муаммо туғдириши мумкин.
"Реал"га қарши учрашувларда "Барселона"дан ташқари "Севилья" яхши натижага эриша олади. Мен буни "Севилья"да ўйнаганим учун айтаётганим йўқ. "Севилья"га қарши ўйинлар охирги вақтда "Реал" учун жуда қийин кечмоқда", - дейди Палоп.
"Севилья" ва "Реал" ўртасидаги биринчи ўйин 4 январда, жавоб ўйини эса - 12 январь куни бўлиб ўтади.













