Англия премьер-лигасида 18-тур ўйинлари давом этмоқда. Пешқадам «Челси» ўз майдонида «Борнмут» клубини қабул қилди.

Антонио Конте шогирдлари бу ўйинда дисквалификация туфайли Диего Коста ва Нголо Канте хизматларидан фойдалана олишмади. Аммо бу уларга навбатдаги, қаторасига 12-ғалабани қўлга киритиш учун ҳалал бермади.

Биринчи бўлимда Педро узоқ масофадан чиройли зарба йўллаб, ҳисобни очган бўлса, иккинчи бўлимда Азар пенальтини аниқ амалга ошириб, ғалабани мустаҳкамлади. Ўйин якунида эса Педро яна бир гол уришга муваффақ бўлди.

АПЛ, 18-тур

Челси – Борнмут 3:0 (1:0)
Голлар: Педро (24, 90+4), Азар (49 пен)
Челси – Куртуа, Давид Луиз, Кэйхилл, Алонсо, Аспиликуэта, Педро, Фабрегас, Виллиан (Чалоба, 83), Матич, Азар, Мозес (Айна, 90).
Борнмут – Боруц, Смит (Айб, 77), Кук, Дэниэлс, Смит, Уилшер, Гослинг, Серман (Станислас, 66), Артер, Кинг (Афобе, 66), Фрэнсис.
Огоҳлантиришлар: Уилшер (14), Педро (63).