"Шапеконсе" авиаҳалокати юзасидан суриштирув олиб бораётган ҳукумат комиссияси ҳаво кемасидан фойдаланишда бир қатор қоида бузилишлар бўлганини аниқлади.
Аввалроқ, самолётнинг қулашида учувчи айбдор деб топилган эди, Аммо комиссиянинг фикрича, "Ламиа" авиакомпаниясида ҳам айб кам эмас.
A Bola хабарига кўра, самолёт бакида парвоз учун жуда оз миқдорда ёқилғи бўлган, учувчилар буни билишган. Улрнинг суҳбати ўрганилганда улар Богота ёки Летисияда мажбурий қўниш қилмоқчи бўлганлар, кейин са фикрларидан қайтишган.
Комиссия, шунингдек, самолёт учун рухсат этилган максимал оғирлик ҳам 350 кгга ортиб кетганлигини ва самолёт белгиланган баландликдан минг фут юқорида парвоз қилганини аниқлаган.
Эслатиб ўтамиз, авиаҳалокат 28 ноябрь куни Медельин шаҳри яқинида содир бўлган ва 71 киши ҳалок бўлган, улар ичида "Шапекоэнсе"нинг 19 футболчиси бўлган.
