"Shapekonse" aviahalokati yuzasidan surishtiruv olib borayotgan hukumat komissiyasi havo kemasidan foydalanishda bir qator qoida buzilishlar bo‘lganini aniqladi.
Avvalroq, samolyotning qulashida uchuvchi aybdor deb topilgan edi, Ammo komissiyaning fikricha, "Lamia" aviakompaniyasida ham ayb kam emas.
A Bola xabariga ko‘ra, samolyot bakida parvoz uchun juda oz miqdorda yoqilg‘i bo‘lgan, uchuvchilar buni bilishgan. Ulrning suhbati o‘rganilganda ular Bogota yoki Letisiyada majburiy qo‘nish qilmoqchi bo‘lganlar, keyin sa fikrlaridan qaytishgan.
Komissiya, shuningdek, samolyot uchun ruxsat etilgan maksimal og‘irlik ham 350 kgga ortib ketganligini va samolyot belgilangan balandlikdan ming fut yuqorida parvoz qilganini aniqlagan.
Eslatib o‘tamiz, aviahalokat 28 noyabr kuni Medelin shahri yaqinida sodir bo‘lgan va 71 kishi halok bo‘lgan, ular ichida "Shapekoense"ning 19 futbolchisi bo‘lgan.
