"Реал" ҳужумчиси Криштиану Роналду йилнинг энг яхши футболчиси сифатида Globe Soccer Awards соврини қўлга киритди. Энг яхши клуб деб "Реал" топилди.
Энг яхши мураббий номини Португалия терма жамоаси бош мураббийи Фернанду Сантуш қўлга киритди.
Европа клублари ассоциацияси (ECA) ва Европа футбол агентлари ассоциацияси (EFAA), томонидан таъсис қилинган совринларни топшириш маросими 27 декабрь куни Дубай шаҳрида бўлиб ўтди. Ғолибларни футболнинг таниқли арбоблари аниқлашди.
Йил ҳаками деб Англия вакили Марк Клаттенбург бўлди, Самуэль Это'О фаолиятидаги умумий натижалари учун тақдирланди, Мино Райола эса йил агенти совринига эга бўлди. Энг яхши президент деб "Реал" раҳбари Флорентино Перес топилди.
