Италия терма жамоасининг собиқ бош мураббийи Марчелло Липпи «Милан» клубининг Италия Суперкубогида «Ювентус» устидан қозонган ғалабасига изоҳ берди.
«Ҳамма «Ювентус» ғалаба қозонади деб ўйлаётганди, аммо «Милан» қўлидан келган барча ишни қилди. Менга бу жамоа ёқяпти. Унинг таркибида жамоани жипслаштира оладиган италиялик футболчилар пайдо бўлди.
Монтелла қатъиятли мураббий экан, у жамоага зарур тактик кўрсатмаларни бера олди. «Милан» тўпни йўқотиб қўймайди, уларда аниқ режа ва мустаҳкам ҳимоя бор.
«Милан»нинг аввалги мавқеини тиклаб олишига шубҳам бор. Агар Монтелла бир неча юқори савияли футболчиларга эга бўлганида эди...», — деди Липпи.
