«Ювентус» бош мураббийи Массимилиано Аллегри жамоасини тарк этиши мумкин, деб ҳисобламоқда The Sun.
Италиялик мутахассис «Арсенал» клубида Арсен Венгернинг ўрнига тайинланиши кутилмоқда. Ўз навбатида франциялик мураббийнинг 20 йиллик фаолиятдан сўнг «Арсенал» билан хайрлашиш эҳтимоли бор.
Италия матбуотининг фикрига кўра, Аллегрининг Буффон ва Дибала билан муносабатлари яхшимас, бундан ташқари у босимга дош беролмаяпти.
49 ёшли мутахассис 2014 йилдан буён «Ювентус»да ишламоқда. У аввал «Сассуоло», «Кальяри» ва «Милан» клубларини бошқарган.