«Манчестер Юнайтед» яримҳимоячиси Бастиан Швайнштайгер агар футболни танламаганида, ким бўлиши мумкинлиги ҳақида гапирди.

«Мен Австрияга яқин жойда катта бўлганман. У ерда тоғ-чанғи қароргоҳлари бор эди. Отам эса чанғичи сифатида мусобақаларда ғолиб бўлган. 2,5 ёшимда чанғида уча бошлаганман.

14 ёшимда эса танлашимга тўғри келган – ё чанғи ё футбол. Футболни танладим, чунки илиқ об-ҳавони қўмсаганман. Баъзан эрта билан турганимда кўчада 20 даража совуқ бўларди. Шунда, майли, футболни танлайман, у менга кўпроқ тўғри келади деб ўйлаганман» - деди Швайнштайгер.