«Барселона» 2017 йилдаги 7та асосий вазифасини белгилаб олди.

Marca хабарига кўра, «Барса» биринчи навбатда Лионель Месси билан шартномани узайтирмоқчи. Айни пайтда бу борадаги музокаралар давом этмоқда.

Иккинчи навбатда, бош мураббий Луис Энрике билан янги шартнома имзолаш.

Бундан ташқари, Андрес Иньеста, Иван Ракитич ва Марк-Андре тер Штеген билан ҳам янги шартнома имзолаш режалаштирилган.

Яна бир муҳим вазифа – ўнг қанот ҳимоясини мустаҳкамлаш бўлиб турибди. Бу нуқтага «Шахтёр» ҳимоячиси Дарио Срна ёки «Валенсия» ҳимоячиси Жоау Канселу номзод бўлмоқда.

Бешинчидан, сўнгги пайтларда ўйини пасайиб кетган Неймарни яна юқори савияга қайтариш ва унинг солиқ идоралари билан боғлиқ можароларига бутунлай якун ясаш.

Олтинчи вазифа - «Камп Ноу» стадионини таъмирлаш.

Еттинчи вазифа – сиёсий ва ирқий баннерларни намойиш қилиш билан шуғулланувчи мухлисларни жиловлаш.