"Олмалиқ" клубининг янги мавсум тайёргарлиги доирасидаги иккинчи йиғини бошланди.
Бугунги машғулотларда 19 нафар футболчи иштирок этди. Декабрь ойида ўтказилган илк йиғин якунида бир қатор футболчиларга жавоб берилганди. Таркиб ўзгаришлари бу йиғин арафасида ҳам давом этди. Дониёр Исмоилов Бекободнинг "Металлург" жамоасига ўтган бўлса, қозоғистонлик Темирлан Ерлановга жавоб берилди. Жамоа сафига жароҳатдан фориғ бўлган Роман Абдулов, ўтган мавсумни "Бухоро"да ўтказган Шавкат Муллажонов ва Камолиддин Мурзоев ҳамда "Навбаҳор"дан Қаҳрамон Муҳамеджонов қўшилишди.
2016 йил мавсумида жамоа шарафини ҳимоя қилган Умид Хонимқулов, Акмал Ортиқов, Никита Шквирин, Евгений Гоголь, Саидкомил Акбаров, Ойбек Нурбоев, Ҳасан Асқаров, Суннатилла Абдуллажонов, Достон Абдураҳмонов, Зоҳир Пиримов, Отабек Валижонов, Арслонмурод Омонов, Яҳё Рўзиев, Мўйдин Мамазулумовларнинг шартномаси якунига етди. Ўтган йиллар давомида "Олмалиқ" таркибида фаолият юритган футболчилар жамоа раҳбарияти ўз миннатдорчилигини билдиради ва уларнинг келгуси ишларида омад тилайди.
