«Торино» бош мураббийи Синиша Михайлович декабрь ойида Хитой клубидан таклиф олганини айтди.
«Декабрда Хитой чемпионатида ишлаш таклифини олдим, аммо уни рад қилдим. Чунки қилаётган ишимни чала ташлаб кетишни ёқтирмайман.
Тўғрисини айтсам, улар таклиф қилаётган маошни ўйлаб, бир неча тунни бедор ўтказдим. Аммо ҳаётда жиддий қарорларни қабул қилиш ҳам керак.
Хитойга пул туфайли кўчиб ўтаётган футболчиларни ҳурмат қилиш лозим. Футболчилик фаолияти жуда қисқа. Хитойда бир мавсум давомида 5-6 йиллик даромадни ишлаб топиш мумкин.
Ҳозирги кунда хитойликлар Қатар ёки АҚШга ўхшаб, фаолиятини якунлаётган футболчиларни чақирмай қўйишган» - деди Михайлович Football-Italia хабарида.
