«Torino» bosh murabbiyi Sinisha Mixaylovich dekabr oyida Xitoy klubidan taklif olganini aytdi.
«Dekabrda Xitoy chempionatida ishlash taklifini oldim, ammo uni rad qildim. Chunki qilayotgan ishimni chala tashlab ketishni yoqtirmayman.
To‘g‘risini aytsam, ular taklif qilayotgan maoshni o‘ylab, bir necha tunni bedor o‘tkazdim. Ammo hayotda jiddiy qarorlarni qabul qilish ham kerak.
Xitoyga pul tufayli ko‘chib o‘tayotgan futbolchilarni hurmat qilish lozim. Futbolchilik faoliyati juda qisqa. Xitoyda bir mavsum davomida 5-6 yillik daromadni ishlab topish mumkin.
Hozirgi kunda xitoyliklar Qatar yoki AQSHga o‘xshab, faoliyatini yakunlayotgan futbolchilarni chaqirmay qo‘yishgan» - dedi Mixaylovich Football-Italia xabarida.