БААда ўтказилган ўртоқлик ўйинида «Бунёдкор» (2:0) дарвозасига гол урган Гана терма жамоасининг ҳужумчиси Асамоа Гьян Африка рекордини такрорлаши мумкин.
Айни пайтда 31 ёшли футболчи 14 январь куни старт оладиган Африка миллатлари кубогига (АМК) тайёргарлик кўрмоқда. Бу мусобақа унинг фаолиятидаги олтинчиси бўлади ва бу борада у ватадондоши Абеди Пеле рекордини такрорлайди, деб хабар бермоқда Ghanaweb.
Абеди Пеле 17 ёшида АМК-1982 да дебют қилган ва кейинчалик 1984, 1992, 1994, 1996 ва 1998 йиллардаги мусобақада иштирок этган.
«Ал-Аҳли» ҳужумчиси Асамоа Гьян эса Гана терма жамоаси тарихидаги энг яхши тўпурар ҳисобланади (91 гол) ва у 2008, 2010, 2012, 2013 ва 2015 йиллардаги АМКда иштирок этган.
