Жаҳон футболи мутахассислари 14 январь куни Габон мамлакатида старт оладиган Африка миллатлари кубоги мусобақаси фаворитлари тўғрисида ўз тахминларини айтмоқда.
Уларнинг фикрига кўра, АМК-2017 да ғолиб чиқиш учун энг кўп имкониятга Кот-д'Ивуар терма жамоаси эга. Унга бу борада Сенегал ҳам етарлича қаршилик кўрсата олади.
Шунингдек Жазоир, Гана ва Камерун терма жамоалари ҳам муваффақиятли иштирок этиши мумкин. Обамеянг тўп сурадиган Габон ҳам етакчиларга қийин рақиб бўла олади.
Эслатиб ўтамиз, АМК-2017 Габон мамлакатида 14 январь – 5 февраль кунлари ўтказилади.
