Туркияда мавсумолди йиғинини ўтказаётган "Насаф" бугун иккинчи назорат учрашувини ҳам ўтказди.

Бу сафар жамоага Озарбайжоннинг саккиз карра чемпиони, мамлакат кубогининг 6 марта соҳиби – Боку шаҳрининг “Нефтчи” жамоаси рақиб бўлди.

Бу учрашувда “аждарлар” рақибини 1:0 ҳисобида мағлуб этишди. Учрашувнинг иккинчи бўлими 70-дақиқасида мураббийларимиз иккита ўзгаришни амалга оширишди. Майдонда ҳаракат қилган Шароф Муҳитдинов ўрнига Фарруҳ Сайфиев ва Драган Черан ўрнига Ислом Рашидхонов майдонга туширилди. Айнан иккинчи бўлимда майдонга тушган моҳир ярим ҳимоячимиз Фарруҳ Сайфиев учрашувдаги ягона гол муаллифи бўлди.

Жамоа таркибига яқинда келиб қўшилган тажрибали ҳимоячи Акмал Шораҳмедов иккинчи назорат учрашувида таркибда тўлиқ ҳаракат қилди.

Навбатдаги назорат учрашуви 15 январга мўлжалланган. Бу сафар жамоага Руминиянинг “Ботошани” клуби рақиблик қилади.

Назорат учрашуви. 11.01.2017.

“Нефтчи” (Баку, Озарбайжон) – “Насаф” (Ўзбекистон) 0:1

Анталия ш., “Bellis Deluxe Hotel” футбол майдони. 17:00да

Гол: Фарруҳ Сайфиев, 80’ - 0:1

“Нефтчи”: Бобан Байкович, Магсад Исаев, Гиорги Наваловски, Дрекса, Родригес Жайро, Кирилл Петров, Зденег Фолпрехт, Нагиев, Джавид Имамвердиев, Намик Алескеров, Видович.

“Насаф”: Элдорбек Суюнов, Акмал Шораҳмедов, Шерзод Аъзамов, Нажмиддин Нормуродов, Дониёр Нарзуллаев, Шароф Муҳитдинов, Одил Ҳамробеков, Азизжон Ғаниев, Баҳром Абдураҳимов, Бобир Абдухолиқов, Драган Черан.

Захирадан майдонга тушганлар: Фарруҳ Сайфиев, Ислом Рашидхонов.