Turkiyada mavsumoldi yig‘inini o‘tkazayotgan "Nasaf" bugun ikkinchi nazorat uchrashuvini ham o‘tkazdi.
Bu safar jamoaga Ozarbayjonning sakkiz karra chempioni, mamlakat kubogining 6 marta sohibi – Boku shahrining “Neftchi” jamoasi raqib bo‘ldi.
Bu uchrashuvda “ajdarlar” raqibini 1:0 hisobida mag‘lub etishdi. Uchrashuvning ikkinchi bo‘limi 70-daqiqasida murabbiylarimiz ikkita o‘zgarishni amalga oshirishdi. Maydonda harakat qilgan Sharof Muhitdinov o‘rniga Farruh Sayfiyev va Dragan Cheran o‘rniga Islom Rashidxonov maydonga tushirildi. Aynan ikkinchi bo‘limda maydonga tushgan mohir yarim himoyachimiz Farruh Sayfiyev uchrashuvdagi yagona gol muallifi bo‘ldi.
Jamoa tarkibiga yaqinda kelib qo‘shilgan tajribali himoyachi Akmal Shorahmedov ikkinchi nazorat uchrashuvida tarkibda to‘liq harakat qildi.
Navbatdagi nazorat uchrashuvi 15 yanvarga mo‘ljallangan. Bu safar jamoaga Ruminiyaning “Botoshani” klubi raqiblik qiladi.
Nazorat uchrashuvi. 11.01.2017.
“Neftchi” (Baku, Ozarbayjon) – “Nasaf” (O‘zbekiston) 0:1
Antaliya sh., “Bellis Deluxe Hotel” futbol maydoni. 17:00da
Gol: Farruh Sayfiyev, 80’ - 0:1
“Neftchi”: Boban Baykovich, Magsad Isayev, Giorgi Navalovski, Dreksa, Rodriges Jayro, Kirill Petrov, Zdeneg Folprext, Nagiyev, Djavid Imamverdiyev, Namik Aleskerov, Vidovich.
“Nasaf”: Eldorbek Suyunov, Akmal Shorahmedov, Sherzod A’zamov, Najmiddin Normurodov, Doniyor Narzullayev, Sharof Muhitdinov, Odil Hamrobekov, Azizjon G‘aniyev, Bahrom Abdurahimov, Bobir Abduxoliqov, Dragan Cheran.
Zaxiradan maydonga tushganlar: Farruh Sayfiyev, Islom Rashidxonov.
