"Эвертон" яримҳимоячиси Морган Шнайдерлин собиқ жамоаси "МЮ" бош мураббийи Жозе Моуриньодан хафа эмаслигини маълум қилди.
"Ҳеч кимдан ўпкаламайман, Жозе менга яхши муносабатда эди. Биз бу борада гаплашиб олганмиз, мен у чиқарган қарорни қабул қилдим.
Мен олдинга интилишим керак. Бир йил захирадан ўтира олмаслигимни Моуриньога айтдим ва у бу қароримни қувватлагани учун хурсандман.
"МЮ"га катта умид ва орзулар билан келгандим. Бу жамоа учун ҳар нарса қилишга тайёр эдим. Аммо клубга унинг энг ёмон кунларида келиб қолдим, шекилли.
Ўтган йили яхши футбол кўрсата олмадик, бизни тез-тез танқид қилишди. Ўз нуқати назаримга кўра, мен етарли даражада кўп ўйнамадим. Футболдан ўзим истагандай завқ ололмадим.
Футболдан кўнглим қолгани йўқ. Бахт - ҳаётдаги энг муҳим нарса, умид қиламанки, унга ҳозирнинг ўзида, шу ерда эришаман", - дейди Шнейдерлин.
