"Everton" yarimhimoyachisi Morgan Shnayderlin sobiq jamoasi "MYU" bosh murabbiyi Joze Mourinyodan xafa emasligini ma’lum qildi.
"Hech kimdan o‘pkalamayman, Joze menga yaxshi munosabatda edi. Biz bu borada gaplashib olganmiz, men u chiqargan qarorni qabul qildim.
Men oldinga intilishim kerak. Bir yil zaxiradan o‘tira olmasligimni Mourinyoga aytdim va u bu qarorimni quvvatlagani uchun xursandman.
"MYU"ga katta umid va orzular bilan kelgandim. Bu jamoa uchun har narsa qilishga tayyor edim. Ammo klubga uning eng yomon kunlarida kelib qoldim, shekilli.
O‘tgan yili yaxshi futbol ko‘rsata olmadik, bizni tez-tez tanqid qilishdi. O‘z nuqati nazarimga ko‘ra, men yetarli darajada ko‘p o‘ynamadim. Futboldan o‘zim istaganday zavq ololmadim.
Futboldan ko‘nglim qolgani yo‘q. Baxt - hayotdagi eng muhim narsa, umid qilamanki, unga hozirning o‘zida, shu yerda erishaman", - deydi Shneyderlin.
