El Confidencial нашри ҳужумчи Лионель Мессининг «Барселона» билан шартномаси нима учун узайтирилмаётгани ҳақида ёзди.
«Барселона»нинг раҳбарларидан бири Оскар Грау бир неча кун олдин Мессининг шартномаси ҳақида гапира туриб: «Бу масалага совуққон бош ва соғлом маъни билан ёндашишимиз лозим. Биз бюджетимизнинг 70 фоизидан ортиғини маошга сарфлай олмаймиз. Шунинг учун ҳам иложсиз нарсага қўл урмоқдамиз» - деган эди. Испания журналистлари бу сўзларнинг ортида, «Барса»нинг ўз ҳужумчисига катта маош тўлашга қодир эмаслиги яширинган деб ҳисобламоқда.
Аммо Каталония клуби бош юлдузидан айрилмоқчи эмас. Ҳатто Месси ҳақида ноўрин гапирган раҳбарлардан бирини яқинда дарҳол ишдан олган эди.
Муаммони ҳал қилишнинг ягона йўли – бир қатор футболчилар билан хайрлашиш, натижада маошлар юкини камайтиришдир. Айни пайтда, чиқиш эшиклари кўрсатилишига лойиқ 2 нафар футболчи тилга олинмоқда: Арда Турон ва Иван Ракитич. Туркиялик футболчи Хитойдан фойдали таклиф олган, хорватиялик яримҳимоячи билан «Ман Сити» қизиқмоқда. «Барселона» ҳар иккаласини камида 50 млн еврога қўйиб юбориши мумкин.
