El Confidencial nashri hujumchi Lionel Messining «Barselona» bilan shartnomasi nima uchun uzaytirilmayotgani haqida yozdi.

«Barselona»ning rahbarlaridan biri Oskar Grau bir necha kun oldin Messining shartnomasi haqida gapira turib: «Bu masalaga sovuqqon bosh va sog‘lom ma’ni bilan yondashishimiz lozim. Biz byudjetimizning 70 foizidan ortig‘ini maoshga sarflay olmaymiz. Shuning uchun ham ilojsiz narsaga qo‘l urmoqdamiz» - degan edi. Ispaniya jurnalistlari bu so‘zlarning ortida, «Barsa»ning o‘z hujumchisiga katta maosh to‘lashga qodir emasligi yashiringan deb hisoblamoqda.

Ammo Kataloniya klubi bosh yulduzidan ayrilmoqchi emas. Hatto Messi haqida noo‘rin gapirgan rahbarlardan birini yaqinda darhol ishdan olgan edi.

Muammoni hal qilishning yagona yo‘li – bir qator futbolchilar bilan xayrlashish, natijada maoshlar yukini kamaytirishdir. Ayni paytda, chiqish eshiklari ko‘rsatilishiga loyiq 2 nafar futbolchi tilga olinmoqda: Arda Turon va Ivan Rakitich. Turkiyalik futbolchi Xitoydan foydali taklif olgan, xorvatiyalik yarimhimoyachi bilan «Man Siti» qiziqmoqda. «Barselona» har ikkalasini kamida 50 mln yevroga qo‘yib yuborishi mumkin.