«Барселона» клубининг футболчилари бош мураббий Луис Энрикенинг жамоа билан шартномасини узайтирмаслигига ишонч ҳосил қилмоқда.

Marca хабарига кўра, баъзи футболчилар «Браеслона»даги келажагига оид ҳаракатларни тўхтатиб қўйган. Гап шартномани узайтирмоқчи бўлган ёки жамоани тарк этишни истаган футболчилар ҳақида кетмоқда. Улар Луис Энрике билан боғлиқ вазиятни қандай ҳал бўлишини кутмоқда.

Клуб раҳбарияти Луис Энрике билан шартномани узайтиришга тайёр, аммо мутахассиснинг ўзи баҳоргача кутиб туришни илтимос қилган. Унинг амалдаги шартномаси шу йил ёзда ўз ниҳоясига етади.