Хихоннинг «Спортинг» клуби бош мураббийи Абелардо Фернандес қониқарсиз натижалар туфайли яқинда истеъфога чиқарилган эди.
Мутахассис шартномани муддатидан олдин бекор қилингани учун бериладиган 4 млн евро товон пулидан воз кечди, деб хабар беради Football Espana.
«Мен клуб ва унинг мухлисларини жудаям яхши кўраман. Айни пайтдаги вазиятдан хавотирдаман. 2020 йилгача амал қиладиган шартномам бор эди. Бироқ, севимли клубимдан пул ололмайман. Мен бу пуллардан ҳеч қийналмасдан воз кечаман. Улардан ҳам муҳим нарсалар бор. Масалан, клубга бўлган содиқлик» - деди Абелардо кўз ёшларини тиёлмай.
Айни пайтда «Спортинг» Испания чемпионати жадвалида 18-ўринда бормоқда. Кеча жамоага янги бош мураббий – Руби тайинланди.
