"Реал" яримҳимоячиси, ҳозирда голландиянинг "Херенвен" клубида ижарада ўйнаётган Мартин Эдегор мадридликлар сафига қатиши ва у ерда зафар қучишига ишонмоқда.
"Одамлар менинг "Реал" билан шартномам "Кастилья" сафида ўйнаш ва ривожланиш учун тузилганини унутмоқдалар. Мен кўп ўйнадим, энди Голландиянинг олий дивизионида ўйнайман. Шунинг учун фаолиятимда бир қадам олдинга ташладим деб ҳисоблайман. Менинг "Реал"даги даврим ҳали тугагани йўқ. "Херенвенда тажриба орттириб, 2018 йилнинг ёзида "Реал"га қайтаман", - дейди Эдегор.
Эдегорнинг ижараси 2018 йилгача белгиланган, аммо ушбу мавсум якунида мадридликлар уни ўз сафларига қайтариб олишлари мумкин.
