“Навбаҳор”га қарши кечган учрашувдан кейин жамоамиз машғулотларни давом эттирмоқда, дея хабар беради "Қўқон-1912" жамоасининг расмий сайти.
Кеча футболчиларимиз тиббий кўрикдан ўтишди. Бу сафар ўринбосарлар таркиби ва легионер футболчиларимиз тиббий кўрикдан ўтишди. Жамоа мураббийлар штабида ўзгариш бор. Сергей Ковшов ҳамда Анвар Жабборовларнинг жамоамиз билан шартномалари ўз якунига етди. Ушбу мутахассислар билан янги шартнома имзоланмади. Биз ҳар иккала мураббийга жамоамиз билан бирга бўлганликлари учун ўз миннатдорчилигимизни билдирамиз ва келгуси фаолиятларида омад тилаймиз.
Бундан буён Нўъмон Ҳасановга жамоамизнинг собиқ футболчиси Азиз Тўхтабоев ёрдам беради. Дарвозабонлар билан эса қўқон футболининг яна бир жонкуяр вакили Андрей Бакланов машғулотларни олиб боради.
