Ла Лига президенти Хавьер Тебас «Барселона» футболчилари томонидан ҳакамларни танқид қилинишига изоҳ берди.
«Бу яхшимас, аммо уларнинг иши Примера обрўсини туширмайди. Чунки бундай воқеалар дунёнинг барча нуқталарида юз беради. Нима бўлганда ҳам, бу камчиликларни бартараф қилиш лозим.
Албатта шикоятларни кўриб чиқиш керак, бироқ булар қизиққон ёш йигитлар эканини унутмайлик. Йўқ жойдан жанжал чиқариш шартмас. Агар мени айблаётган бўлсалар, буни хотиржам қабул қиламан, чунки бу борада айбсизман.
Пике? Унга жавоб қайтаришга мажбур эмасман. У профессионал ва ақлли футболчи, яхшиси ўз устида қаттиқ меҳнат қилгани маъқулроқ» - деди Тебас.
