«Милан» ва Голландия терма жамоасининг афсонавий юлдузи Рууд Гуллит «Барселона» ҳужумчиси Лионель Мессини дунёнинг энг яхши футболчиси эмас деб ҳисобламоқда.
«Марадона Мессидан кучлироқ эди. У нафақат футболчи, балки етакчи ҳам бўлган. У якка ўзи қандай ғалаба қозониш кераклигини билган. 1986 йилги жаҳон чемпионатини эслаш кифоя.
Мессининг ўйинларини кўрганимда, унинг буюк футболчи эканига гувоҳ бўламан. Бироқ у ҳакамлар, матбуот ва регламент томонидан ҳимояланган. Мессининг ўйини дриблинг билан чекланиб қолган.
Марадона эса ҳамма ишни бажарган, устига устак оёғини синдириш пайида бўлган ҳимоячилар билан ҳам якка ўзи курашишга мажбур бўлган» - деди Гуллит Tribal Football хабарида.
